Sendeirismo

Esta ruta percorre de norte a sur unha das paisaxes máis características de Pastoriza, coñecida como Mar Verde polas súas extensas pradeiras e campos de cultivo. Esta ruta parte do núcleo de Pastoriza para paulatinamente dirixirse ao sur ata o Castro de Saa. Ao longo do camiño xorde unha contorna tranquila e aberta, ideal para unha camiñada relaxada. Ao chegar á ribeira do río Madalena, a paisaxe transfórmase adentrándose nunha zona frondosa e sombría, perfecta para facer unha pausa e gozar da frescura do bosque. Pouco despois o camiño desemboca en Salanxe, onde o camiño volve mergullarse nun mar verde que caracteriza á comarca.